گادتب-نین رادیکال دینی تشکیلاتین بؤیوک بریتانیادا آزربایجان سفیرلیگینه تئررور هجومو ایله باغلی بیلدیریشی

گادتب: آوقوستون ۴-ده آزربایجانین بؤیوک بریتانیا‌داکی سفیرلیگی‌نین مهدی قوللوقچولاری بیرلیگی‌نین تئررور هجومونا معروض قالماسی، ایفراطچی قروپ عضو‌لری‌نین وحشیجه‌سینه و قانونسوز اولا‌راق سفیرلیگین بیناسینا داخیل اولوب، بینایا خسارت یئتیریب آذربایجان بایراغینی تحقیر ائتمه‌سی آچیق شکیلده گؤستردی کی، دین پرده‌سی آلتیندا آزربایجانین سووئرئنلیگینه قارشی چیخیب و آذربایجاندا حبس ائدیلن تئررورچولارین و آدی چکیلن تئررورچو قروپلارین ایرانین تئررور هامی‌سی رئژیمینه باغلی اولماسی شوبهه‌سیزدیر

اوسته‌لیک شیعه مسجیدلری و زیارتگاه لارینی دونوز تؤوله‌سینه چئویریب، شیعه‌لرین اراضی‌سینی ایشغال ائتمیش قانون‌سوز ائرمنی بیرلشمه‌لرینه قارشی قیصاص عملیاتینین کئچیریلمه‌سی‌نین صاباهی‌سی گون بو تئررور عملی‌نین تؤردیلمه‌سی دوشوندوروجودور. 30 ایل آذربایجان شیعه‌لرینی سویقیریما معروض قویوب، شیعه مسجیدلرینی دونوزلوغا چئویرن ائرمنی ایشغال‌چی‌لارینا شیعه‌لره قارشی هر جور یاریم ائدن ایرانین ایرقچی فارس-موللا رئژیمی‌نین ایچ اوزو فاش اولدوغو اوچون، موللا رژیمی اوزده اؤزونه مخالیف گؤرونن تئررورچولارلا، آذربایجاندا یئتیشدیردیگی تئررورچولاری حمایه ائتمه‌یه چالیشیر. سؤزسوز کی، بو موللا رئژیمی‌نین کؤهنه تاکتیکاسی‌دیر

ایستر ایرقچی فارس-موللا رئژیمی، ایسترسه اوزده ایرانا قارشی اولدوغونو ادعا ائدن مهدی قوللوق‌چولاری بیرلیگی کیمی تئررور قروپلاشما‌لارینین اساس فونکسیاسی مودرن موسلمان دؤولت‌لرینی سوریا، عراق، یمن و سایر بئله موسلمان دؤولت‌لری‌نین وضعیتینه سالماق‌دیر. ایرانین موللا رئژیمی و مهدی قوللوق‌چولاری بیرلیگی کیمی تئررور قروپلاشما‌لارینین مقصدی موسلمان و شیعه‌لری حمایه ائتمک یوخ، دین پرده‌سی آلتیندا اؤزلرینه تئررورچو یئتیشدیریب آذربایجانی سوریانین گونونه سالماق اولدوغو اوچون آزربایجانین اینانجلی شخص‌لری موللا رئژیمینه و بئله قروپ‌لارا آلت اولماما‌لی‌دیرلار. هر بیر اینانجلی اینسان ایرقچی فارس-موللا رئژیمینه و یا مهدی قوللوق‌چولاری بیرلیگی کیمی تئررور قروپلاشما‌لارینا باغلی اولارسا اؤزونون اؤزونه و اؤز میللتینه قارشی بیر تئررورچو اولدوغونا شوبهه ائتمه‌سین. دین الله ایله اینسان آراسیندا معنوی باغدیر و بو گون آذربایجاندا هئچ بیر شیعه اوروج توتدوغو، ناماز قیلدیغی و یا ایمام حسینه آغلادیغی اوچون تعقیب و تضییقه معروض قالمیر

گونئی آذربایجان دئموکراتیک تورک بیرلیگی (گادتب) آزربایجانین بؤیوک بریتانیا‌داکی سفیرلیگی‌نین مهدی قوللوق‌چولاری بیرلیگی‌نین تئررور هجومونا معروض قالماسی، ایفراط‌چی قروپ عضو‌لری‌نین وحشیجه‌سینه و قانون‌سوز اولا‌راق سفیرلیگین بیناسینا داخیل اولوب، بینایا خسارت یئتیریب آذربایجان بایراغینی تحقیر ائتمه‌سینی قطعیتله پیسله ییر و آذربایجان‌دان بئله تئررورچولاری و ایرقچی فارس-موللا رئژیمینه باغلی اولان تئررورچو و خاین‌لرین جدی شکیلده جزالاندیریلماسینی ایسته ییر

اژدر تاغیزاده

گونئی آذربایجان دئموکراتیک تورک بیرلیگی (گادتب) باشقانی